Биринчи лигадаги жамоамиз - «Машъал-Академия» навбатдаги тур баҳсини сафарда «Насаф-2» жамоасига ҳарши ўтказиб, ўйинда ҳисоб очилмади. Шу тариқа Баҳодир Давлатов шогирдлари кетма-кет учта ғалабадан сўнг иккинчи бор дуранг қайд этишди. Аввалги турда «академиячилар» Муборакда «Раш-Милк» билан дуранг ўйнашганди, бу сафар эса Қаршида бир очкони қўлга киритишди. Қаршидаги баҳс ниҳоясига етганидан сўнг футболчилар клубнинг Янгиердаги базасига йўл олишди. «Академиячилар» «Динамо-Ғаллакор» билан кечадиган баҳсга Янгиерда тайёргарлик кўришади ва шу ердан Жиззахга йўл олишади. «Машъал-Академия» навбатдаги учрашувини 26 апрель куни ўтказади.

«НАСАФ-2» - «МАШЪАЛ-А» - 0:0
Қарши шаҳри. “Насаф” стадиони.
Ҳакамлар: Р. Тошмуҳаммедов, Б. Жапарқулов, А,Алимов, А.Калинин.
Назоратчи: Д.Юсупов.
“Насаф-2”: Акмал Ҳазратқулов, Денис Морозов, Муслиддин Йўлдошев, Тўлқин Тожиев, Дилшод Боллиев, Сергей Швирёв, Жавлон Холмирзаев, Нодир Халилов (Шердор Бўриев, 46, Сирожиддин Раҳматуллаев, 55), Нодир Сағдуллаев, Обид Мамотов, Азамат Сайфуллаев (Тоҳир Абдураззоқов, 72).
“Машъал-Академия”: Элдор Суюнов, Руслан Муродиллаев, Музаффар Фузайлов, Муҳаммад Ашуров, Хуршид Суюнов (Маъруфжон Муродов, 42, Шербек Йўлдошев, 68), Бекзод Турдиқулов (Дилшод Мамажонов, 88), Фарҳод Мусаев, Ахтам Ҳамроқулов (Жаҳонгир Абдумўминов, 75), Александр Шадрин (Александр Ниёзов, 74), Шаҳзод Шайманов, Ғуломҳайдар Ғуломов.